कुलमान घिसिङलाई हरिवनमा  नागरिक अभिनन्दन गरिने

नेपाल विद्युत प्राधिकरणका पूर्व प्रबन्ध निर्देशक कुलमान घिसिङलाई हरिवनमा  नागरिक अभिनन्दन गरिने भएको छ । भोली  जेठ २८ गते बुधबार हरिवन नगरपालिका वडा नं.११ मा रहेको सरस्वती पार्टी प्यालेसमा एक कार्यक्रमका बिच पूर्व प्रबन्ध घिसिङलाई सम्मान गर्न लागिएको हो । घिसिङको योगदानको कदर गर्दै भव्य नागरिक अभिनन्दन कार्यक्रम आयोजना गरेको मूल आयोजक समितिका अध्यक्ष धनबहादुर मिक्चनले जानकारी दिए । हिजो सोमबार कार्यक्रम स्थलमै आयोजित पत्रकार सम्मेलनमा बोल्दै अध्यक्ष मिक्चनले नागरिकको स्वत स्फूर्त सहभागितामा कार्यक्रम सम्पन्न गरिने बताए । यस कार्यक्रम नागरिक स्तरबाट आयोजना गरिएको भन्दै पार्टी पङ्क्तिमा विभक्त हुन जरुरी नभएको मिक्चनले बताए । कार्यक्रम, मूल आयोजकको अध्यक्ष आफू रहेपनि, प्रचारप्रसार, मञ्च व्यवस्थापन, अतिथिसत्कार, आर्थिक सहयोग सङ्कलन, कार्यक्रम व्यवस्थापन, लगायतका कार्यमा सबैको हातेमालो रहेको उनले स्पष्ट पारे । बुधबार दिउसो हरिवन बजार चोकबाट घिसिङलाई ठुलो सङ्ख्यामा नागरिक समुहको उपस्थिति सहित पैदल यात्रा सहित कार्यक्रम स्थल सम्म पु¥याईने जानकारी दिए ।कार्यक्रम आयोजनामा स्थानीय उद्योगी व्यापारी, नागरिक समाजका अगुवा, विभिन्न राजनीतिक दलका नेताहरू समेतको साथ रहेको आयोजकले जनाएको छ ।