काठमाडौं। निलम्बित प्रधानन्यायाधीश चोलेन्द्र शमशेर जबराको बाँकी बयान मंगलबार हुने भएको छ ।
आइतबार चौथो दिन उनले महाभियोग सिफारिस समितिको बैठकमा बयान दिएका छन् । बयान नसकिएकाले मंगलबार थप बयान हुने तय भएको छ ।
सिंहदरबारमा बसेको समितिको बैठकमा बयानका क्रममा निलम्बित प्रधानन्यायाधीश जबराले न्यायपालिकालाई आँच आउने गरी आफूले कुनै पनि काम नगरेको र आफूलाई महाअभियोग लगाउनुपर्ने कुनै पनि कारण नभएको बताएका छन् ।
